巴克礼普世版(试读本) 歌罗西书第一章
1我保罗奉上 主ê旨意做基督耶稣ê使徒,kah提摩 太兄弟,2写phoe hō͘ tòa tī歌罗西ê信徒,就是kah基督结 联ê忠 实ê兄弟 姊 妹,愿咱ê天父上 主赏赐lín恩 典kah平 安。
感 恩ê祈祷
3阮替lín祈祷ê时,常 常感 谢上 主,就是咱ê主耶稣基督ê天父,4因为阮有听tio̍h lín对基督耶稣有信心,koh对所有ê信徒有疼 心。5起 初福 音真道传hō͘ lín ê时,lín听chit-ê福 音,有带来khǹg tī天 顶ê ǹg望。6 Chit-ê福 音传 到lín hia,lín koh真 正认bat上 主真实ê恩 典。Kah hit日起ê情 形仝 款,chit-ê福 音chit-má mā传 到全 世界,当teh结 果 子,mā ná大 丛。7 Lín tùi Í-pa-hut所学习ê福 音,伊是kah阮平 平做 奴仆ê,mā为tio̍h阮teh做基督忠 实ê差 用,8伊mā对 阮讲 起圣 神hō͘ lín有疼 心ê tāi-chì。9所以,阮听tio̍h lín ê消 息了 后,就 继 续为tio̍h lín祈祷,不时恳 求上 主hō͘ lín ē-tàng tùi圣 神得tio̍h ta̍k种ê智慧kah理解,充 分明 白他ê旨意。10 Koh hō͘ lín ê行 踏照 主所爱,ta̍k项tāi-chì lóng hō͘他欢 喜,tī ta̍k项好事顶 面结好果 子,koh认bat上 主ná久ná进 步。11愿lín tùi他荣 耀ê大 能来得tio̍h气 力,坚 强起来,hō͘ lín有耐 心来忍 受一 切。12 Koh tio̍h感 谢天父,因为他hō͘咱有资 格thang分 享,他为信徒tī光 明ê国度所保留ê福 气。13他救咱脱 离乌暗ê权 势,kā咱搬 徙入去他所 疼ê Kiáⁿ ê国度。14咱tùi他ê Kiáⁿ得tio̍h救 赎,罪得tio̍h赦 免。
基督ê工 作
15基督是看bē-tio̍h ê上 主ê形 象:他是大kiáⁿ,比一 切受 造物khah早存 在。16因为上 主通 过他来 创 造万 物,就是tī天 顶kah tī地 上.ê,看会tio̍h kah看bē-tio̍h-.ê,灵 界坐王位.ê kah统 治 者,执 政 者kah掌 权 者。上 主通 过他,mā是为tio̍h他创 造万 物。17 Iáu未有万 物以 前他to̍h存 在,万 物kah他结 联kah真 好势。18教 会是他ê身 躯,他是教 会ê头;他是源 起 头,他是大kiáⁿ;上 主hō͘他头 一个tùi死 人 中koh活,hō͘他tī万 物 中成 做第一。19因为上 主照 家己ê旨意,hō͘ Kiáⁿ充 满他丰 盛ê特 质。20上 主通 过他ê Kiáⁿ tī十字架ê血来 促 成和 平,hō͘万 物kah他本 身koh再和好。无论是地 上.ê á是tī天 顶.ê lóng归 属他。21 Lín有一时kah上 主隔 断关 系,心 内kah他对敌,做pháiⁿ tāi-chì。22 M̄-koh chit-má上 主通 过他ê Kiáⁿ肉 体ê死,已经hō͘ lín koh再kah他和好,成 做圣 洁,无 缺 点koh无thang嫌ê祭 物,献tī他ê面 前。23 Lín tio̍h坚 持信 心,坚 固khiā在,hō͘ lín听tio̍h福 音所 得tio̍h ê ǹg望无摇动。Chit-ê福 音已经传hō͘天下每一个 人,我保罗mā是为tio̍h chit-ê福 音来teh做 奴仆。
保罗事 奉教 会
24 Taⁿ我为tio̍h lín受chiah-ê艰 苦,感 觉真 欢 喜;我肉 体受 苦是为tio̍h基督ê身 躯,就是教 会,teh受Iáu未尽ê苦 难。25我受设立做 教 会ê奴仆,照上 主为tio̍h lín所交带我ê职 份,来将上 主ê信息传 开。26 Chit-ê信息是万世代以来,对人类隐密ê奥妙,taⁿ已经对他ê信徒显 明。27上 主ài beh hō͘ in知,为tio̍h外 邦 人准 备chit-ê奥妙,有jōa-ni̍h丰 盛koh荣 耀,就是基督tiàm-tī lín内面,做lín享受 上 主荣 耀ê ǹg望。28所以,阮对所有ê人宣 扬基督,用ta̍k种ê智慧来 苦 劝ta̍k人,教示ta̍k人,是beh hō͘ in kah基督结 联来 成 做一个完 全ê人,thang引chhōa in去 到上 主ê面 前。29为tio̍h chit-ê目 的,我靠基督tī我内面运 行ê大 能 力,尽 力teh phah拚。